Ferlern yn it lân fan de leechte
Fier fan hûs
Wistest net wêrst begjinne moest
Fier fan hûs
Ofst drave of rinne soest
Wêrst dan eins hinne soest
Nimmen dy’st rie freegje koest
Djip yn ’e bosken fan twifel
Sochtest it paad
De hân dy’t him oanbiede soe
It winkjende paad
Dat him ferriede soe
Ljocht dat dy liede soe
Fuort út it ryk fan it skaad
Hoelang al
Bist mei dysels ûnderweis
Hoelang al
Stiet dyn lichem leech
Hoelang
Duorret de reis
En komst dan
No einlings nei hûs
Wachtest yn ’t dal fan de stilte
Op it wurd
Op de stim dy’t ferskine soe
It ferlossende wurd
Op taal dy’t dy fine soe
Dy’t alles ferbine soe
Op antwurd op antwurd op antwurd
Hoelang al
Bist mei dysels ûnderweis
Hoelang al
Stiet dyn lichem leech
Hoelang
Duorret de reis
En komst dan
En komst dan
Dêr yn dat fierfrjemde wûnderlân
Rekkest it spoar almar kwyt
Iensum yn ’t each fan de stoarm
Lyts op seeën fan spyt
Dêr yn dat fierfrjemde wûnderlân
Sûnder hâldfêst sûnder taal
Swalkest op learzen fan langstme
Op syk nei dyn eigen ferhaal
Hoelang al
Bist mei dysels ûnderweis
Hoelang al
Bist mei dysels ûnderweis
Hoelang
Lyrics & music: Nynke Laverman // English translation: Judith Wilkinson
